أنا قصة تطايرت وتبعثرت في زمن خوان

أنا قصة تطايرت وتبعثرت في زمن خوان

أنا قصة تطايرت وتبعثرت في زمن خوان

___________________________

تسولف لي عن الضيقة وأنا كلي ألم وأحزان
وأنا من وين ماناظر بعيني شفت ضيقاتي
تسولف لي عن الضيقة وأنا عنوان للحرمان
دخيلك لا دخيل الجرح لاتكتشف معاناتي
حبيبي لا تشجعني أسولف وأكسر الكتمان
تعبت منالسكوت اللي تعود يسكن بذاتي
عليم الله مافيني بشر يضحك فرح وأشجان
وأنا لوجيت أبضحك لك أجيك أضحك بدمعاتي
حياتي شعر(ن) وشاعر وجمهوري بقايا إنسان
ونقادي زمن قاسي ولا يفهم كتاباتي
أناظر للبشر حولي أحد يضحك أحد طربان
وأنا صعبن علي أضحك اسايرهم بضحكاتي
عجزت أكذب على نفسي بفرحة مابها ألوان
وحزني ماعجز عني بدا يرسم نهاياتي
طريقي صعب وجروحي كثير وداخلي ضميان
أبي لو يوم واحد أحاول أجمع شتاتي
أنا قصة تبعثرت وتطايرت في زمن خوان
تعلمت أحسر البسمة وأداري عضة شفاتي
أبكتب لك وبالخط العريض وريشة الفنان
أنا الخسران توقيعي وأنا الخسران بصماتي
أكمل لك عن الضيقة أكمل لك عن الأحزان
تأكد لو بكمل لك تصيح وتطلب سكاتي

مما راق لي أنا قصة تطايرت وتبعثرت زمن خوان

منــــــــــــــــقول